വർഷകാല സന്ധ്യ

വർഷ കാല സന്ധ്യ
സൂര്യൻ മാനത്ത് വർണങ്ങൾ രചിച്ച് കഴിഞ്ഞ് പോയതേ  ഉള്ളൂ.
കൂടണയാൻ വെമ്പുന്ന പക്ഷികളുടെ  ശബ്ദ കോലാഹലം.
ദൂരെ കുന്നുകളിൽ നിന്നും  സന്ധ്യാ രാഗം ഒഴുകി വരുന്നു
മനസ്സിൽ ശോകവും മൂകതയും  നിറക്കുന്ന ഈ അന്തരീക്ഷത്തിൽ  മനസ്സിലെ ഭാവങ്ങൾ പകർത്താൻ കഴിയില്ലെങ്കിലും മാനത്തെ വർണങ്ങൾ  ക്യാമറയിലേക്ക് ആവാഹിക്കാൻ ശ്രമിക്കുന്നു.

പൂമാനം

പൂ മാനം പൂത്തുലഞ്ഞേയ്

കയ്യിൽ പൂക്കൂടയുമായി സുന്ദരിയായ ജനുവരി  നൃത്തം തുടരുന്നു.
എവിടെ തിരിഞ്ഞൊന്ന് നോക്കിയാലും അവിടെല്ലാം പൂത്ത മരങ്ങ്ങ്ങൾ മാത്രമെന്ന് ചങ്ങമ്പുഴ പാടിയത്  വെറുതെയല്ല.  പ്രഭാതത്തിലെ തണുപ്പും മന്ദസമീരനും തെളിഞ്ഞ വെയിലും നീലാകാശവും എല്ലാം കൂടി  വ്അല്ലാത്ത അനുഭൂതി.

നഷ്ട പ്രാതപത്തിന്റെ ബാക്കി പത്രം.

ആലപ്പുഴയിൽ പോയാൽ എന്റെ ബാല്യ കൗമാര  കാലഘട്ടത്തിലെ  അവിഭാജ്യ ഘടകമായിരുന്ന ഈ പാലം കാണാതെ പോവില്ല.  നഷ്ട പ്രതാപത്തിന്റെ  പ്രതീകം പോലെ നാശോന്മുഖമായി  ഇപ്പോൾ അവശേഷിച്ചിരിക്കുന്ന ഈ അസ്തിപഞ്ജരവും കാലത്തിന്റെ തേരോട്ടത്തിൽ  പൊടിഞ്ഞ് പോകും.  പക്ഷേ ഞങ്ങളുടെ തലമുറയുടെ ദീപ്ത സ്മരണയിൽ ഈ പാലം എന്നും കത്തി നിൽക്കുക തന്നെ ചെയ്യും.

സിനാന് വേണ്ടി...

   

         സിനാനും അവന്റെ ബാപ്പയുടെ മൂത്ത സഹോദരൻ  സൈലുവും.

സിനാൻ  നാല് വയസ്സായപ്പോൾ  ആൾക്കാരെ തിരിച്ചറിയാൻ  തുടങ്ങിയിരിക്കുന്നു.  മുഖത്തെ നിർവികാരത മാറ്റി , ദേഷ്യം സങ്കടം     സന്തോഷം തുടങ്ങിയ വികാരങ്ങൾ  അവൻ  പ്രകടിപ്പിക്കാൻ തുടങ്ങിയ്ട്ടുണ്ട്.  ഇനി അവൻ സംസാരിക്കണം, പരസഹായമില്ലാതെ നടക്കണം, കൊതുകോ മറ്റ് പ്രാണികളോ കടിക്കുമ്പോൾ വേദന  പ്രകടിപ്പിച്ച്    കാണിക്കാൻ  അറിയാതെ  അതും സഹിച്ചിരിക്കുന്നതിന് പകരം      അതിനെ ഓടിച്ച് കളയണം .ഞങ്ങൾ അതിനായി പ്രാർത്ഥിക്കുന്നു, ആ പ്രാർത്ഥന സഫലാകുമെന്ന് പ്രതീക്ഷിക്കുന്നു. കാരണം അവന്റെ പഴയ സ്ഥിതിയിൽ നിന്നും ഇത്രയുമാക്കി തന്ന  അവിടന്ന് കരുണാസാഗരമാണല്ലോ. പ്രാർത്ഥിക്കുന്നു, പ്രാർത്ഥനക്ക് വേണ്ടി അപേക്ഷിക്കുന്നു.

കാലവർഷ പെണ്ണ്

അങ്ങ്  ദൂരെ   ഇന്ത്യൻ  മഹാ സമുദ്രത്തിനക്കരെ  നിന്നും   ഇക്കരെ വന്ന്  ബംഗാൾ   ഉൾക്കടലിലൂടെയും കടന്ന്  അറബിക്കടലിൽ  വന്ന്   പിന്നെ  ഞങ്ങളുടെ  വീട്ട് മുറ്റത്ത്  അവൾ    എത്തി  ചേർന്നിരിക്കുന്നു.   അവർ   തെക്ക്  പടിഞ്ഞാറൻ  മൺസൂണെന്നും  നാം  ഇടവപ്പാതിയെന്നും  വിളിക്കുന്ന  കാല വർഷ പെണ്ണ്!!! നേരം  പുലർന്ന്  വീട്ട് മുറ്റത്തേക്ക്  ഇറങ്ങിയപ്പോൾ   മുഖവും  കറുപ്പിച്ച  അവൾ  ദാ! നിൽക്കുന്നു.!!!

മീനിന്നു മത്തിയോ ചെമ്മീനോ.....

മീനിന്നു മത്തിയോ ചെമ്മീനോ..........

ചെമ്മീനുമില്ല നൈ മീനുമില്ല , അതെല്ലം പുറം കടലിൽ സായിപ്പുമാർ വലിയ കപ്പലുകളും യന്ത്ര സാമഗ്രികളുമായി വന്നു പിടിച്ചു കൊണ്ടു പോകും. നമുക്കു മത്തി തന്നെ ആധാരം. അതാണെങ്കിൽ ഇങ്ങു തീരത്തു ഒരു പഞ്ഞവുമില്ല. കോരി എടുത്തു വല സഹിതം പുന്നപ്ര മുതൽ തോട്ടപ്പള്ളി വരെ നാഷണൽ ഹൈ വേയുടെ വശങ്ങളിൽ കൊണ്ടു വെച്ചു നാട്ടുകാരെ കെട്ടി ഏൽപ്പിക്കുകയും ചെയ്യാം......

അസ്തമന ബാക്കി.

ഒരു അസ്തമനം ആകാശത്തും കടല്‍ തീരത്തും ബാക്കി വെച്ച കാഴ്ചകള്‍.

അസ്തമന ബാക്കി.

ഒരു അസ്തമനം ആകാശത്തും കടല്‍ തീരത്തും ബാക്കി വെച്ച കാഴ്ചകള്‍.