Wednesday, April 23, 2014

മനുഷ്യൻ ഒരു ജീവി അല്ല.

പേ നായ്  കടിച്ചുള്ള  മരണ വാർത്തകൾ  പത്ര താളുകളിൽ സുലഭമാണ്. എന്നിട്ടും അധികാരികൾ ഈ വിപത്തിന് നേരെ  നടപടികളെടുക്കാത്തത്  മനേകാ ഗാന്ധി ഭരണത്തിലിരുന്നപ്പോൾ  കൊണ്ട് വന്ന ഒരു നിയമത്തിന്റെ  പിൻ ബലത്തിലാണ് എന്നാണ് അറിയാൻ കഴിഞ്ഞത്. ആയമ്മ   വീട്ടിലാകുമ്പോൾ മതിൽ കെട്ടിനുള്ളിലും  പുറത്ത് സഞ്ചരിക്കുമ്പോൾ  കാറിലുമായതിനാൽ  അവർക്ക് തെരുവ് നായ്ക്കളെ ഭയപ്പെടേണ്ട കാര്യമില്ലാ, അത് കൊണ്ട് തന്നെ സാധാരണക്കാരൻ  തെരുവ് നായ്ക്കളിൽ നിന്നും അനുഭവിക്കുന്ന ഭീഷണി മനസിലാവുകയുമില്ല. ജീവകാരുണ്യ പ്രവർത്തിയുടെ പേരിൽ  ജീവജാലങ്ങളെ കൊല്ലുന്നത് തടയുവാൻ നിയമം  സൃഷ്ടിക്കുന്ന ഈ വരേണ്യ വർഗം  മനുഷ്യനെ ജീവി ആയി കണക്കിലെടുക്കാത്തത് സ്വാഭാവികം  തന്നെ.അവരുടെ  വളർത്ത് നായ്ക്കൾക്ക്   നൽകുന്ന പരിചരണം  പോലും ലഭിക്കാത്ത ,അവക്ക് കൃത്യ സമയം നൽകുന്ന പാലും ബിസ്ക്കറ്റും പോലും ലഭിക്കാത്ത  എത്രയോ ശിശുക്കൾ  ഡെൽഹിയിലെ  ചേരികളിൽ ഉണ്ടെന്നുള്ളത് അവർ അറിയുന്നില്ലല്ലോ. നാട്ടും പുറങ്ങളിലെ  വയൽ വരമ്പിലും കൊച്ച് ഇടവഴികളിലും കൂടി  കാൽനടയായി  സഞ്ചരിക്കുന്ന സാധാരണക്കാരൻ  അഭിമുഖീകരിക്കുന്ന അലഞ്ഞ് നടക്കുന്ന നായ്ക്കളിൽ നിന്നും ഉണ്ടാകുന്ന അപകടങ്ങൾ  ദന്തഗോപുരത്തിൽ കഴിയുന്ന മന്ത്രിമാാർക്കും  ഉദ്യോഗസ്ഥർക്കും  മനസിലാകില്ല. മുറ്റത്ത് കിടന്ന് കൈകാലിട്ട് കളിക്കുന്ന കുഞ്ഞിന് നേരെ രു പുലി ചാടി വരുമ്പോൾ  പുലിയെ കൊല്ലുന്നത് ഹിംസ അല്ലാത്തത് പോലെ    മനുഷ്യന് ജീവാപായം സംഭവിക്കാൻ കാരണമാകുന്ന അലഞ്ഞ് തിരിഞ്ഞ്  നടക്കുന്ന നായ്ക്കളെ തെരഞ്ഞ് പിടിച്ച് കൊല്ലുന്നതും  ഒരിക്കലും ഹിംസ ആകില്ലന്ന് തിരിച്ചറിയുക.
തിരുവനന്തപുരത്ത് നടന്ന ബ്ലോഗ് മീറ്റിൽ പങ്കെടുക്കാൻ  പ്രസ് ക്ലബ് കെട്ടിടത്തിലേക്ക്  സെക്രട്ടറിയേറ്റിന് സമീപം കൂടി  പോയപ്പോൾ  ഭരണ സിരാകേന്ദ്രമായ  ആ സ്ഥലത്ത് കണ്ട   തെരുവ് നായ്ക്കളാണ് ചിത്രത്തിൽ

2 comments:

  1. even if you are not killing, mute it.. so that we can control population :)

    ReplyDelete
  2. ശരീഫ്കാ ഒരു ജീവിയെ കൊള്ളുക എന്ന് പറഞ്ഞാൻ മനസിന്‌ ഒരു വിങ്ങൾ . വേണ്ട ഇക്ക അവരും ജീവിച്ചോട്ടെ?
    - basheer doha

    ReplyDelete