ഞങ്ങളുടെ സിനാൻ......
ഒരു ബഷീറിയൻ സ്റ്റൈലിൽ ആണ് ഇന്ന് സിനാൻ.
ചാരുകസേരയിൽ ചിന്തയിൽ മുഴുകി....
സമീപം കടും ചായ ഉണ്ട്. പിന്നെ സ്ഥിരം സംഗീത ശ്രവണ സഹായിയും.
അതിൽ പാട്ട് “ സോ ജാ രാജകുമാരിയോ , ദുനിയാകേ രഖ് വാലയോ ആകാം.
അതുമല്ലെങ്കിൽ “ അനുരാഗ നാടകത്തിൻ അന്ത്യമാം രംഗം തീർന്നൂ“ , “ചിരിക്കുമ്പോൾ കൂടെ ചിരിക്കാൻ“ ഏതെങ്കിലും ശാസ്ത്രീയ സംഗീതം, ഇവയൊക്കെ ആകാം.
കാരണം അതെല്ലാമേ അവന് ഇഷ്ടപ്പെടൂ.. അവന്റെ മാതാപിതാക്കളോ അവ്ന്റെ വല്യാപ്പയോ ജനിക്കുന്നതിനു മുമ്പുള്ള സോജാ രാജകുമാരീ എങ്ങിനെ 15 വയസ്സ്കാരനായ ഇവൻ ഇഷ്ടപ്പെടുന്നു എന്നുള്ളത് ഇപ്പോഴും ഞങ്ങളെ അതിശയിപ്പിക്കുന്ന സത്യമാണ്.
ചെറുപ്പം മുതലേ സിനാന് ആ വക പാട്ടുകളാണ് ഇഷ്ട്ടമെന്ന് അവന്റെ ഭാവത്തിൽ നിന്നും പ്രതികരണങ്ങളിൽ നിന്നും മനസ്സിലാക്കാൻ കഴിഞ്ഞു.
ഇപ്പോൾ സംസാരിക്കാത്ത അവൻ ഒരു ദിവസം ഇതെല്ലാം പാടിയേക്കാം.
അതിശയങ്ങൾ സൃഷ്ടിക്കാൻ ദൈവത്തിനല്ലേ കഴിയൂ.
ആ അതിശയത്തിനായി എന്നുമെന്നും പ്രാർത്ഥിക്കുന്നു.
No comments:
Post a Comment