കൈരളി നെറ്റിനു നന്ദി

   കൈരളിനെറ്റ്  മാഗസിൻ  മാർച്ച് ലക്കം  ഉള്ളടക്കം  അർത്ഥസമ്പുഷ്ടമായ   ലേഖനങ്ങളാലും  അനുഭവങ്ങളെന്ന്  തോന്നിപ്പിക്കുന്ന   കഥകളാലും  സുന്ദരമായ  കവിതകളാലും  സമ്പന്നമായിരിക്കുന്നു   എന്ന്  പറയാതിരിക്കാൻ  കഴിയില്ല.മലയാള  ഭാഷയിലെ  അച്ചടി  രംഗത്ത്  ഇന്ന്  നിലവിലുള്ള  മെച്ചപ്പെട്ട  ആനുകാലികങ്ങളുമായി  ഒപ്പത്തിനൊപ്പം  കിടനിൽക്കാൻ  തക്കവിധം  കൈരളിനെറ്റ്  വളർന്നിരിക്കുന്നു.  

മാർച്ച് മാസ  ലക്കത്തിൽ  നിരക്ഷരൻ  മുതൽ  ശങ്കരനാരായണൻ  മലപ്പുറം  വരെയുള്ളവരും  പിന്നെ  പ്രമുഖരായ  പല  ബ്ലോഗറന്മാരും  അണി നിരന്നിരിക്കുന്നു. ഒരു  അച്ചടി  മാധ്യമത്തിൽ  ബ്ലോഗറന്മാർക്ക്  ഇത്രയും  ഇടം  ലഭിക്കുന്നത്  കാണുന്നത്  തന്നെ  സന്തോഷം  തരുന്ന  വസ്തുതയാണു.  അച്ചടി  ലോകത്തെ  മഹാരഥന്മാരുടെ  ഒപ്പം  അഥവാ  ചിലതിൽ  അവരേക്കാളും  സാഹിത്യ  രചനയിൽ  ബൂലോഗം  വർത്തിക്കുന്നു  എന്ന്  ബൂലോഗവാസികളുടെ  അക്ഷരപ്രവർത്തനത്തിലൂടെ  വെളിവാകുന്നുണ്ട്.   ഇങ്ങിനെയും  കുറച്ച്  പേർ  മലയാള  ഭാഷയെ  പരിപുഷ്ട്മാക്കുന്നു  എന്ന  സത്യം  പത്ത്  മാലോകരെ  അറിയിക്കാൻ  സഹായിക്കുന്ന  കൈരളി  നെറ്റിനും  അതിന്റെ   ശിൽപ്പികൾക്കും   ബൂലോഗത്തിന്റെ  നന്ദി.