ചാകരയും മൽസ്യ ലഭ്യതയും

പണ്ട് മദ്ധ്യ തിരുവിതാംകൂറിൽ മൽസ്യത്തിന്റെ ലഭ്യത ആലപ്പുഴ തീരങ്ങളിൽ അടിഞ്ഞ് കൂടുന്ന പ്രകൃതിയുടെ അൽഭുത പ്രതിഭാസമായ ചാകര എന്ന ഭാഗങ്ങളായിരുന്നു. അത് ഒരിടം എന്ന് കൃത്യമില്ല. ചേർത്തല മുതൽ തോട്ടപ്പള്ളി വരെയുള്ള കടൽ ഭാഗത്ത്

പുന്നപ്ര, അമ്പലപ്പുഴ, വളഞ്ഞ വഴി, കാക്കാഴം തുടങ്ങി എവിടെയെങ്കിലും ഏകദേശം ഇടവപ്പാതിയോടെയും തുടർന്നും കടലിൽ ഒരു പ്രത്യേക ഭാഗത്ത് ചെളി അടിഞ്ഞ് കൂടി അത്രയും ഭാഗം കടൽ ശാന്തമാകും. നാല് ചുറ്റും തിരകൾ ഉയർന്ന് പൊങ്ങുമ്പോൾ ഈ ഭാഗം വലിയ തിരകളില്ലാതെ അവസ്ഥയിലായിരിക്കും. വള്ളങ്ങൾ ഉന്ത് വണ്ടിയിലും ചെറിയ ലോറിയിലും വെച്ച് ചാകരപ്പാട് നോക്കി പോകുന്ന കാഴ്ച ഇന്നും മനസിലുണ്ട്. തുടർന്ന് കുറേ നാളുകളിൽ അവിടം ഉൽസവ സ്ഥലമാകും. ഓരോ വള്ളങ്ങളും കടലിൽ നിന്നും മീനുമായി വരുമ്പോഴുള്ള തിരക്കും, മീൻ വാങ്ങാനും വണ്ടിയിൽ കയറ്റാനുള്ള ബഹളവും, ചെറിയ തട്ട് കടകളും സർബത്ത്, നാരങ്ങാ വെള്ള കച്ചവടവും കൂടക്കാരുടെ ( കടപ്പുറത്ത് മീൻ വാങ്ങി ശേഖരിക്കാനുള്ള താൽക്കാലിക ഷേഡുകൾ) വില പേശലും എല്ലാം മറന്ന് നോക്കി നിന്നു പോകും.

പിടിക്കുന്ന മൽസ്യം മദ്ധ്യ തിരുവിതാംകൂറിന് ആവശ്യത്തിന് മിതമായ വിലക്ക് കിട്ടുമായിരുന്നു. ഐസില്ല, കേടാകാതിരിക്കാനുള്ള മരുന്നടി ഇല്ല, നല്ല പച്ച മീൻ. ദാ! പിടക്കുന്ന അയല, പിടക്കുന്ന പച്ച മത്തി എന്നൊക്കെയുള്ള വിളിച്ച് കൂവൽ എപ്പോഴും കേൾക്കാം.

കാലം കടന്ന് പോയപ്പോൽ ചാകരക്കും ഒരു മാറ്റമായി, പിന്നീട് ബോട്ടുകൾ വന്നു, കൂടങ്ങളും പരീക്കുട്ടിമാരും, ചെമ്പൻ കുഞ്ഞും, പ്ഴനിയുമെല്ലാം കടന്ന് പോയി. ഇപ്പോൾ ബോട്ട് അടുക്കുന്നു, ഇടയാളുകൾ കച്ചവടം ചെയ്യുന്നു, ഐസ് അടുക്കുന്നു ദൂരം കുറേ ഉണ്ടെങ്കിൽ കേടാകാതിരിക്കാൻ മരുന്നടിക്കുന്നു.

പക്ഷേ അപ്പോഴും ഒരു ചോദ്യം ബാക്കി. ഈ ഭാഗത്തെ മീൻ എല്ലാം എവിടെ പോയി? നീണ്ടകര ഭാഗത്തെ മീൻ പിടിക്കുന്നതു ആ ഭാഗത്തും പരിസരങ്ങളിലും പൂന്തുറയും വിഴിഞ്ഞവും തിരുവനന്ത പുരം ജില്ലയിലും മീന്റെ ആവശ്യകത നിറവേറ്റിയിരുന്നു. അന്ന് ആന്ധ്രാ മീനില്ല, തൂത്തുക്കുടി മീനില്ല, നമുക്കാവശ്യമുള്ള മൽസ്യം ഇവിടെ കിട്ടിയിരുന്നത് ജനസംഖ്യ കൂടിയാലും മതിയായ തോതിയിൽ കിട്ടിയിരുന്നല്ലോ, ആ മൽസ്യമെല്ലാം എവിടെ പോയി.

ഇപ്പോൾ ചാകരയുമില്ല, വള്ളങ്ങളുമില്ല, സത്യസന്ധരായ കച്ചവടക്കാരുമില്ല, ജനം ചത്ത് മലച്ചാലും രോഗം വന്ന് നശിച്ചാലും എനിക്ക് പൈസാ കിട്ടണമെന്ന ചിന്തയുള്ള ആർത്തി പണ്ടാരങ്ങളാണ് ഇപ്പോൾ ഉള്ളത്. അതിന്റെ പ്രതിഫലനങ്ങളാണ് കൊറോണായിലും തെളിഞ്ഞത്.

mments

Tam Sheriff

 shared a memory.

2h  · 

Shared with Public

1 Year Ago

See Your Memories

Tam Sheriff

കോവിഡും മൽസ്യ വ്യാപാരവും

ഏത് പരിശോധനയും കർശന നിയമവും ആവർത്തന വിരസത കൊണ്ട് വെള്ളം ചേർക്കപ്പെടും അതാണിപ്പോൾ കേരളത്തിൽ സംഭവിച്ചത്. കോവിഡിന്റെ ആരംഭ കാലത്ത് തമിഴ് നാട്ടിൽ നിന്നും ആര്യൻ കാവ് വഴി വരുന്ന ചെക് പോസ്റ്റുകളിൽ കർശന പരിശോധനകളും അതീവ ജാഗ്രതയുമായിരുന്നു. അതേ പോലെ കന്യാകുമാരിയിൽ നിന്നും തിരുവനന്തപുരത്തേക്കുള്ള വഴിയിലും.

കാലം കടന്ന് പോയപ്പോൾ ചെക്കിംഗ് എല്ലാം വഴിപാട് പോലെയായി. തൂത്തുക്കുടിയിൽ നിന്നുള്ള മീൻ വണ്ടികൾ സുഖമായി ആര്യങ്കാവ് വഴി കടന്ന് വന്നു. കന്യാകുമാരിയിൽ നിന്നുള്ള മീനും തഥൈവ.

തമിഴ് നാട്ടിൽ തീവ്ര കോവിഡ് ബാധയാണ്.മനപൂർവമല്ലെങ്കിലും അയൽ പക്കത്ത് അത് വ്യാപിക്കുന്നതിൽ അവർക്ക് കുണ്ഠിതമൊന്നുമില്ല. പക്ഷേ സൂക്ഷിക്കേണ്ടത് ഇവിടെ വ്യാപാരം ചെയ്യുന്നവർ ആയിരുന്നു. ഞാനും എന്റെ കുടുംബവും എന്ന ചിന്ത കുറേ കാലത്തേക്കെങ്കിലും മാറ്റി വെച്ചിരുന്നെങ്കിൽ അവിടെ നിന്നുള്ള മൽസ്യ ഇറക്ക് മതിയിലും അതുമായി ബന്ധപ്പെട്ട ഇടപഴകിലും നിയന്ത്രണം പാലിച്ചേനെ, അങ്ങിനെ ചെയ്തിരുന്നെങ്കിൽ ഇപ്പോൾ അനുഭവപ്പെടുന്ന ഈ പൂർണ നിരോധനത്തിൽ നിന്നും രക്ഷപെട്ടേനെ.

ഓ! ഒന്നും സംഭവിക്കില്ല, എന്ന മൂഡമായ വിശ്വാസം എല്ലാം തകർത്തു. ആ അന്ധ വിശ്വാസം കാരണം ഇപ്പോൾ കോവിഡ് വ്യാപനത്തിന്റെ മൊത്ത വ്യാപാരികൾ മൽസ്യ വ്യാപാരികളായി മാറുന്ന കാഴ്ചയാണ് ഈ നാട്ടിൽ കാണുന്നത്. മൽസ്യ വ്യാപാരത്തിലെ അന്നന്ന് ജോലി ചെയ്ത് ഉപജീവനം കഴിച്ച് കൂട്ടുന്ന സാധു തൊഴിലാളികളും കോവിഡിന് ഇരയായി തീരുന്ന പരിതാപകരമായ കാഴ്ചയും കാണേണ്ടി വരുന്നു.

വ്യാപാരത്തിലെ എന്ത് ചെയ്തും ലാഭം കൊയ്യുക എന്ന പ്രവണത പൊതുജനങ്ങൾക്കുള്ള ജലസംഭരണിയിൽ വിഷം കലക്കുന്നതിന് തുല്യമാണെന്ന് ഇതിന് കാരണക്കാരായവർ തിരിച്ചറിയുക. .

1Shamim Khalid

കോവിലനും മമ്മൂട്ടിയും

സാഹിത്യ രംഗത്ത് “തട്ടകം“ തുടങ്ങിയ  അത്യപൂർവമായ  രചനകൾ നൽകിയ  വ്യക്തിയാണ്  വി.വി.അയ്യപ്പൻ എന്ന     ശ്രീ കോവിലൻ. വയലാർ അവാർഡും മുട്ടത്ത് വർക്കി അവാർഡും അദ്ദേഹത്തിന് ലഭിച്ചിട്ടുണ്ട്.
സിനിമാ ലോകത്ത് അതുല്യ സ്ഥാനം വഹിക്കുന്ന  നടനാണ് മുഹമ്മദ് കുട്ടി എന്ന മമ്മൂട്ടി.ഭരത് അവാർഡ് ഉൾപ്പടെ അനേകം അംഗീകാരങ്ങൾ അദ്ദേഹത്തിനെ തേടി എത്തിയിട്ടുണ്ട്. അദ്ദേഹം അഭിഭാഷകനുമായിരുന്നു.
കോവിലനും മമ്മൂട്ടിയുമായി  എന്ത് ബന്ധം  എന്ന ചോദ്യത്തിന് ബന്ധം ഉണ്ട് എന്നാണ് പറയേണ്ടി വരുന്നത്.
കോഴിക്കോട് യൂണിവേഴ്സിറ്റി രണ്ട് പേർക്കും ഓണററി ഡോക്ടറേറ്റ് ബിരുദം നൽകി. ബിരുദ പ്രഖ്യാപനത്തിന് ശേഷം യൂണിവേഴ്സിറ്റി  ആ ബിരുദം നൽകാൻ ഒരുപാട് സമയം എടുത്തു. അപ്പോഴേക്കും കോവിലൻ  പോയിക്കഴിഞ്ഞിരുന്നു. ഇതിൽ ദുഖമയമായ വിഷയം ബിരുദ പ്രഖ്യാപനത്തിൽ കോവിലൻ വളരെ ഏറെ സന്തോഷിച്ചിരുന്നു  എന്നും ബിരുദ ദാനത്തിനുള്ള ക്ഷണം പ്രതീക്ഷിച്ച് അദ്ദേഹം  ഏറെ നാൾ കാത്തിരുന്നു എന്നുമുള്ളതുമാണ്. ഈ പരമാർത്ഥം അദ്ദേഹത്തിന്റെ സുഹൃത്തുക്കൾ സാക്ഷ്യപ്പെടുത്തുന്നു എന്ന് പത്ര വാർത്ത. എങ്കിൽ അതൊരു തെറ്റായ നടപടി ആയി പോയി. പക്ഷേ ഈ കാല താമസത്തിന് മമ്മൂട്ടി  അദ്ദേഹം അറിയാതെ ഭാഗഭാക്കായി എന്ന് അറിയുന്നു.
മമ്മൂട്ടിയുടെ സമയം പ്രതീക്ഷിച്ചാണ് യൂണിവേഴ്സിറ്റി അവാർഡ് ദാന ചടങ്ങ് നീട്ടി വെച്ചതെന്നാണ് ഇപ്പോൾ പറയപ്പെടുന്നത്. അദ്ദേഹം അറിഞ്ഞ് കൊണ്ടല്ല ഈ സംഭവം. അത് വാസ്തവമല്ലെങ്കിൽ  എന്ത് കൊണ്ട് അവാർഡ് ദാന ചടങ്ങ് ഇത്രയും കാലം നീട്ടി വെച്ചതെന്ന് വിശദീകരിക്കേണ്ടി വരും.
സമൂഹത്തിൽ സിനിമയുടെ സ്വാധീനം ഏറ്റവും ഉന്നതിയിലാണ്. സിനിമാ കണ്ട് പിടിക്കുമ്പോൾ  അത് മനുഷ്യ സമൂഹത്തെ ഇത്രത്തോളം സ്വാധീനിക്കുമെന്ന് അന്ന് ആരും പ്രതീക്ഷിച്ച് കാണില്ല. സിനിമയും അതിലെ അഭിനേതാക്കളും ഇപ്പോൾ സമൂഹത്തിൽ അത്യുന്നത ശ്രേണിയിലാണ്. രാജ്യ ഭരണം നിർവഹിക്കുന്ന ഉന്നത രാഷ്ട്രീയക്കാർ പോലും ആ സ്ഥാനത്തിന് താഴെയാണെന്നുള്ളതാണ് പരമാർത്ഥം.
സോപ്പ് മുതൽ ഉണക്ക മൽസ്യത്തിന് വരെ സിനിമാ അഭിനേതാക്കളുടെ ചിത്രം പരസ്യമായി ഉണ്ടായേ മതിയാകൂ. എന്ത് ധർമ്മ ച്യുതിയും സിനിമാ അഭിനേതാക്കൾക്കുണ്ടായാലും ജനത്തിന് അത് പ്രശ്നമല്ല. എത്ര വേണമെങ്കിലും വിവാഹം കഴിക്കാം വിവാഹ മോചനം നടത്താം, മദ്യപിച്ച് തലയും കുത്തി നടക്കാം അതൊരു തെറ്റായി ആരും കാണുകയേ ഇല്ല. ആ സ്ഥാനത്ത് ഒരു രാഷ്ട്രീയക്കാരൻ അത്തരത്തിലുള്ള പ്രവർത്തിയിൽ ഏർപ്പെട്ടാൽ  അയാൾ സമൂഹ ഭൃഷ്ട് നേരിടേണ്ടി വരുമെന്നത് ഉറപ്പ്.
ഭർത്താവ് മമ്മൂട്ടിയെ  പോലെ ഇരിക്കുന്നെന്ന് ഭാര്യമാർ പറയും പക്ഷേ മമ്മൂട്ടി ഭർത്താവിനെ പോലെ ഇരിക്കുന്നെന്ന് ഒരു ഭാര്യയും പറയില്ല. അതേ പോലെ ഭാര്യ ഐശ്വര്യ റായിയെ പോലിരിക്കുന്നു എന്ന് പറയും ഐശ്വര്യ റായി ഭാര്യയെ പോലിരിക്കുന്നു എന്നാരും പറയാറില്ല.
സുപ്രസിദ്ധ നടി  സോഫിയാ ലോറൻ അടുക്കളയിൽ നിൽക്കുമ്പോൾ അടിവസ്ത്രം ധരിക്കാറുണ്ട് എന്ന് ഒരു ഇന്റർവ്യൂവിൽ വെളിപ്പെടുത്തി കഴിഞ്ഞതിന് ശേഷം  അടുത്ത ദിവസങ്ങളിൽ അടിവസ്ത്രത്തിന് കമ്പോളത്തിൽ  വലിയ വിറ്റഴിവ് ഉണ്ടായി എന്ന് പണ്ട് വായിച്ചത് ഓർമ്മ വരുന്നു.
അതേ! പിടിച്ച് കെട്ടാനാകാത്ത വിധം സിനിമയും അഭിനേതാക്കളും  സമൂഹത്തിന്റെ ഉന്നത ഇടങ്ങളിൽ ആയി കഴിഞ്ഞിരിക്കുന്നു.
ഒരു കലയായി സിനിമയെ അംഗീകരിച്ച് അത് കാണുകയല്ലാതെ താരാരാധന എന്ന കോമാളിത്തത്തിന് മുതിരുമ്പോൾ മനുഷ്യൻ ഒന്നുമല്ലാതാകും.
യാതൊരു സത്യവുമില്ലാത്ത വെറും ഭാവനയിൽ നിന്നുരുത്തിരിഞ്ഞ കഥകളും സജ്ജീകരണങ്ങളും അതിൽ  സ്വന്തമായ ഭാവമല്ലാത്ത മറ്റൊരാൾ കാണിക്കുന്ന ഭാവം  കുരങ്ങിനെ പോലെ അനുകരിക്കുന്ന  ആൾക്കാർക്കാണ് സമൂഹത്തിൽ ഇന്ന് വിലയെങ്കിൽ മനുഷ്യന്റെ തലച്ചോറിന് എവിടെയോ വെച്ച്  എന്തോ സംഭവിച്ചിട്ടുണ്ട്.

ഇബുലീസ് ഉണ്ടാക്കിയ പുക്കാർ

പഴയ ഒരു വടക്കൻ തമാശ പാട്ട് ആരംഭിക്കുന്നത് ഇങ്ങിനെയാണ്:-    “ഇബിലീസുണ്ടാക്കി തീർത്തൊരു ഇബിലീസ്.....“
ആ പാട്ടിന്റെ അടിസ്ഥാനമായ കഥ ഇപ്രകാരമാണ്.
ധൃതി പിടിച്ച് ഓടി പോകുന്ന ഇബിലീസിനെ (പിശാച്) കണ്ട് ദിവ്യൻ  ചോദിച്ചു.
“ജ്ജ് എന്തെടാ പഹയാ, മണ്ടിപ്പാഞ്ഞ് പോയ് ആൾക്കാരെ  മക്കാറാക്കണത്....“
അതിന് ഇബിലീസ് പറഞ്ഞ മറുപടി  ഇതായിരുന്നു,..
“ആൾക്കാര് ബെർക്കനെ എന്നെ പഴി പറയുവാ....ഞാൻ ആരെയും ഒന്നും ചെയ്യണില്ല, സംശയം ഉണ്ടെങ്കിൽ എന്നോടൊപ്പം വരിക....ഞാൻ ബോദ്ധ്യപ്പെടുത്തി തരാം....“
ദിവ്യൻ കൂടെ പോയി.കുറച്ച് ദൂരം പോയപ്പോൽ ഒരു ഹലുവാ കട കണ്ട് പിശാച് അവിടെ കയറി, ഹലുവാ പാത്രത്തിൽ കയ്യിട്ടു. കയ്യിൽ പറ്റിയ എണ്ണ ഭിത്തിയിൽ തുടച്ച് ഒന്നുമറിയാത്ത പോലെ മാറി നിന്നു. എണ്ണ മയം കണ്ട് അവിടെ ഈച്ച വന്നു. ഉടനെ ഈച്ചയെ പിടിക്കാൻ പല്ലി വന്നു. പല്ലിയെ കണ്ട് അതിനെ ശാപ്പിടാൻ പൂച്ച വന്നു പല്ലിയുടെ നേരെ ചാടി. ചാട്ടം പിഴച്ച പൂച്ച അലുവാ പാത്രം തട്ടി മറിച്ചു. അലുവാക്കാരൻ പൂച്ചയെ തല്ലി, പൂച്ചയുടെ ഉടമസ്ഥൻ അലുവാക്കാരനെ തല്ലി, അലുവാക്കാരൻ അലുവാ മുറിക്കുന്ന കത്തി എടുത്ത് കാച്ചി, അവസാനം ചോര കളിയിൽ കാര്യം കലാശിച്ചു.
പിശാച് ദിവ്യനോട് ചോദിച്ചു, “ ഞാനെന്തെങ്കിലും ചെയ്തോ, വെറുതെ കയ്യൊന്ന് ഭിത്തിയിൽ തുടച്ചു , അത്രേള്ളൂ....“
പറഞ്ഞ് പഴകിയ ഈ കഥ ഇപ്പോൾ ഇവിടെ പറയാൻ കാര്യം: കൊട്ടാരക്കര പുലമൺ ജങ്ഷന് സമീപം താമസിക്കുന്ന 80 വയസ്സുകാരൻ കാർന്നോര് ഇതര സംസ്ഥാനത്ത് നിന്നു വന്ന ബന്ധുവുമായി ( അയാൾ കോവിഡ് ടെസ്റ്റ് നടത്തി നെഗറ്റീവെന്ന് കണ്ടെത്തിയതാണ്) എന്തോ അസുഖത്തിന് ചികിൽസക്കായി പല ആശുപത്രിയിലും പോയി., തുടർന്നുള്ള ദിവസങ്ങളിൽ അദ്ദേഹം പല കടകളിലും ചന്ത മുക്കിലും,    എട്ട് കിലോ മീറ്റർ ദൂരത്തിലുള്ള കുന്നിക്കോട് എന്ന സ്ഥലത്ത്  ബേക്കറിയിലും പോയി. കാർന്നോർക്ക് രാത്രി ആയപ്പോൽ ചുമയും ശ്വാസം മുട്ടും കണ്ട് അയൽ വാസി കാറിൽ അടുത്തുള്ള സ്വകാര്യ ആശുപത്രിയിൽ കൊണ്ട് പോകാനിട വന്നു. കോവിഡ് ഭീഷണി നില നിൽക്കുന്നതിനാലും സാഹചര്യങ്ങൾ മനസിലാക്കിയതിനാലും ചുമയും ശ്വാസം മുട്ടും  രോഗ ലക്ഷ്ണം കണ്ടതിനാലും സ്വകാര്യക്കാരൻ  പെട്ടെന്ന് മെഡിക്കൽ കോളേജിലേക്ക്  റഫർ ചെയ്തു.
അതിനോടൊപ്പം പുലമൺ ജങ്ഷനിലെ ഒരു മോബൈൽ കടക്കാരൻ (അദ്ദേഹം നീണ്ടകരയിൽ നിന്നും സ്കൂട്ടറിൽ കൊട്ടാരക്കരയിൽ ദിവസവും വന്ന് ജോലി ചെയ്യുന്നവനാൺ`) കോവിഡ് രോഗ ലക്ഷണം കണ്ടെത്തി ആശുപത്രിയിലായി.     രണ്ട് കേസുകൾ ഒരേസ്ഥലത്ത് കണ്ടെത്തിയപ്പോൽ  ഒട്ടും താമസമുണ്ടായില്ല,  കൊട്ടാരക്കരയിലെ മുനിസിപ്പാലിറ്റിയിലെ ചില വാർഡുകൾ നിരോധിത മേഖലയായി പ്രഖ്യാപിക്കപ്പെട്ടു, കർശനമായി കാര്യങ്ങൾ കൈ കാര്യം ചെയ്യാൻ തുടങ്ങി.മൊബൈൽ കടയിലെ മറ്റൊരു ജീവനക്കാരനെ നിരീക്ഷണത്തിലാക്കി, അയാൾ താമസിക്കുന്ന വീടുള്ള വാർഡും  നിയന്ത്രണത്തിലായി.
കർശനമായി കാര്യങ്ങൾ നിയന്ത്രിച്ചപ്പോൾ നിരത്തുകളെല്ലാം ജനശൂന്യമായി, കടകൾ അടക്കപ്പെട്ടു, വാഹനങ്ങൾ നിയന്ത്രിക്കപ്പെട്ടു,
രണ്ട് മാസം അടഞ്ഞ് കിടന്ന കടകൾ തുറന്ന് അൽപ്പ ദിവസമായി  കച്ചവടം നടന്ന് വരുന്നതേ ഉള്ളൂ. അപ്പോഴേക്കും വീണ്ടും ലോക് ഡൗണായി.
സംഭവങ്ങളുടെ അവസാനത്തിൽ ഇപ്പോൾ കേട്ടത്, കാർന്നോരുടെ സ്രവം പരിശോധനയിൽ നെഗറ്റീവാണത്രേ!( ശരിയോ എന്നറിയില്ല, പറഞ്ഞ് കേൾവിയാണ്) മൊബൈൽ കടക്കാരൻ ആശുപത്രിയിലാണ്.
ഇവിടെ ഈ സംഭവം കുറിച്ചത്, ഒന്നോ രണ്ടോ പേരുടെ അലക്ഷ്യം കൊണ്ട് ഒരു പ്രദേശമാകെ  സ്തംഭിച്ചു എന്ന് പറയാനാണ്. കുറേ ദിവസത്തേക്ക് ആൾക്കാർ  കൈകൾ കഴുകിയും അസുഖമുള്ളവർ വീട്ടിലിരുന്നും മുഖാവരണം അണിഞ്ഞും പൊതു സ്ഥലത്ത് ഇട പഴകിയാൽ ഒരു സമൂഹത്തെ ആകെ കഷ്ടതയിൽ പെടുത്താൻ ഇടയാകില്ല, എന്ന് സൂചിപ്പിക്കാനും കൂടിയാണ്.
ഓ! എനിക്കൊന്നുമില്ല, എന്ന  അമിത വിശ്വാസമാണ് പല കുഴപ്പങ്ങൾക്കും കാരണം.

65 വയസ്സിന് മുകളിൽ ഉള്ളവർ വീട്ടിലിരിക്കണോ?

പള്ളികളും ഇതര ദേവാലയങ്ങളും തുറന്നതിനെ തുടർന്ന് നിബന്ധനകൾ  ധാരാളമായുണ്ട് പ്രവേശനം ലഭിക്കാൻ.
അതിൽ പ്രധാനപ്പെട്ടത് 65 വയസ്സിനു മുകളിൽ ഉള്ളവർക്ക്  പ്രവേശനമില്ലാ എന്നാണ്.
ചെറുപ്പത്തിൽ അടിച്ച് പൊളിച്ച് ജീവിച്ചിട്ട് വയസ്സാകുമ്പോഴാണ് ലേശം ഭക്തിയൊക്കെ വരുന്നത്, അപ്പോഴാണ് ഒരു തടസ്സ നിയമം!!!
 മൂന്ന് മാസമായി വീട്ടിലിരുന്ന് വിളിച്ചപ്പോൾ  ദൈവം കേട്ടു എങ്കിൽ ഇനി അങ്ങോട്ടുള്ള സമയവും  കരുണാമയൻ പ്രാർത്ഥന കേട്ടോളും. സ്വന്തമായ അലംഭാവത്താൽ ദേവാലയത്തിൽ പോകാത്തതല്ലല്ലോ.  മനുഷ്യ നിർമ്മിതമായ നിയമങ്ങളാൽ തടയപ്പെട്ടതാണ് എന്നൊക്കെ സമാധാനിച്ച് കഴിയുക എന്നതാണ് 65 ന് മുകളിലുള്ളവർക്ക് കരണീയമായ ഏക വഴി.
അല്ലെങ്കിൽ എനിക്ക് 58 വയസ്സേ ഉള്ളൂ എന്ന്  കളവായി ബോധിപ്പിക്കുകയോ എഴുതിക്കൊടുക്കുകയോ ചെയ്യുക, ജനന സർട്ടിഫിക്കേറ്റ് കൊണ്ട് വരാൻ ആവശ്യപ്പെടാൻ തക്കവിധം ഇത് ഗുരുതര നിയമ പ്രശ്നമൊന്നുമല്ല താനും. പക്ഷേ മുകളിലിരിക്കുന്ന വലിയ കണക്ക്കാരൻ  കള്ളം പറഞ്ഞ് പ്രവേശനം വാങ്ങിയാൽ കർശനമായി മൈനസ് മാർക്കിട്ട് തരും, ഒരു സംശയവും വേണ്ട, അവിടന്ന് കളവ് പറയുന്നത് ഇഷ്ടപ്പെടുന്നില്ല.
പക്ഷേ ഈ വിഷയത്തിൽ ഒരു യുക്തിഭംഗം ഉണ്ട്. ചെറുപ്പക്കാരേക്കാളും അരോഗദൃഡഗാത്രരായ 65ന് മുകളിലുള്ളവർ ധാരാളമുണ്ട്. ചെറുപ്പക്കാർ രണ്ട് തുള്ളി മഴവെള്ളം തലയിൽ വീണാൽ പിറ്റേന്ന് ചീറ്റിയും തുമ്മിയും ചുമച്ചും  നടക്കുമ്പോൾ മഴ മുഴുവൻ കൊണ്ടാലും ഊങ്ഹൂം ഒരു കുഴപ്പവുമില്ലാത്ത  മൂപ്പിൽസ് ധാരാളമുണ്ട്. അത് കൊണ്ടല്ലേ ഈ സാധനങ്ങൾ ഇപ്പോഴും ചക്കക്കുരു പോലെ ഇരിക്കുന്നത്.
 പ്രായമായവർക്ക് രോഗ പ്രതിരോധ ശക്തി കുറവാണെന്നും അവർക്ക് പെട്ടെന്ന് രോഗം ബാധിക്കുമെന്നും ഏതോ അപ്പോത്തിക്കിരി പറഞ്ഞതിന്റെ അടിസ്ഥാനത്തിലാണ്, വീട്ടിലിരുന്നാൽ മതി മൂപ്പിൽസേ! എന്ന് ഈ  നിയമം എഴുതി ഉണ്ടാക്കിയവന് ബോധം ഇറങ്ങി വന്നത്.
രോഗ പ്രതിരോധ ശക്തി ഇല്ലാത്തവർ ഏത് പ്രായക്കാരായാലും രോഗം പെട്ടെന്ന് ബാധിക്കും.
ഇവിടെ എന്താണ് സത്യസന്ധമായ വസ്തുത എന്ന് നോക്കാം.  ഒരു പ്രായമെത്തുമ്പോൾ ജീവിത ശൈലി രോഗം ബാധിച്ച് അത് പ്രമേഹം, രക്ത സമ്മർദ്ദം, മുതലായ വേഷത്തിൽ  പ്രകടമാകും അതിന് ചികിൽസയും നടക്കും.  ആ രോഗങ്ങൾ ഉള്ളവർ പെട്ടെന്ന് പകർച്ചവ്യാധിക്ക് ഇരയാകുകയും ചെയ്യും. പക്ഷേ ഈ അവസ്ഥ പ്രായമാകാത്തവർക്കും സംഭവിക്കാം, പക്ഷേ  അവർക്ക് നിയമ തടസ്സമൊന്നുമില്ല. ഇത് വിവേചനമാണ്, ബുദ്ധിശൂന്യതയാണ്.
വേണ്ടത് ഇതാണ് രോഗം ബാധിച്ചവർ അവർ ഏത് പ്രായത്തിലുള്ളവരായാലും സ്വയമേ തന്നെ  സാമൂഹ്യ അകലം  പാലിക്കുക.
അപ്പോൾ ഇപ്പോഴുള്ള നിയമത്തിൽ ഒരു വാക്ക് കൂടി ചേർത്താൽ എല്ലാം ശരിയാകും, 65 വയസ്സിനു മുകളിലുള്ള  ”രോഗബാധിതരും ചികിൽസയിലിരിക്കുന്നവരും” ദേവാലയങ്ങളിലും പൊതു ഇടങ്ങളിലും  പങ്കെടുക്കരുത് എന്ന് തിരുത്തിയാൽ  അതൊരു നീതിയായേനെ.